Лазаров меѓу водечките стрелци по првите три кола од Лигата на шампионите
И оваа сезона најдобриот стрелец во историјата на европските купови меѓу активните ракометари, Кирил Лазаров одлично ја почна Лигата на шампионите. На три натптревари од кои еден во гости и два на домашен терен и покрај редовната ротација на тренерот Пасквал, нашиот Лазаров се истакна со 21 гол и е меѓу најдобрите стрелци по првите три кола. Минатата сезона каде Барселона беше трето пласирана во Лигата на шампионите, Лазаров ја заврши како најдобар клубски стрелец.
Победа на рутина на Барса против турскиот Бешикташ
Барселона - Бешикташ 35:25 (19:12)
По неколку децении во „Палау Блауграна„ гостуваше турска екипа во рамките на европските купови, а во игра беа бодови од групната фаза на Лигата на шампионите. Јасно беше дека Бешикташ нема што да бара против моќниот тим на Хавиер Пасквал. Фечман и Дачевиќ добро го отворија мечот за турскиот првак, кој поведе со 2:4. Но голманот Гонзало од самиот почеток потврди дека е расположен, а Сигурдсон брзо реализираше два контранапади за 5:4 во 10 минута.
Победа од 18 разлика за Барса кај Пуерто Сагунто
Пуерто Сагунто - Барселона 27:45 (11:20)
Шести меч и шеста победа на шампионот Барселона во шпанската ASOBAL лига. На гостувањето кај Пуерто Сагунто, Кирил Лазаров и другарите славеа со 18 разлика и се зацврстија на врвот на табелата. Шариќ добро го отвори мечот на гостинскиот гол, а Сигурдсон и Карабатиќ ја донесоа првата предност на гостите (1:2). Лазаров својот прв гол го постигна во 8 минута за 3:5 за Барселона.
„Лазарови„ стартуваа со победа во пионерската лига
Пионерската школа „Лазарови„ која со години опстојува во Свети Николе благодарение на Кирил Лазаров со убедлива победа од 17:24 ја почна новата сезона 2014/15. Младите момчиња кои свои идоли гледаат во Кире и Филип Лазарови оваа сезона се натпреваруваат во пионерската лига. За разлика од минатата година кога пријавена беше кадетска екипа, оваа сезона направена е селекција помеѓу 30-40 момчиња кои ја сочинуваат пионерската екипа и сонуваат еден ден да бидат како нашите најпознати ракометари.
Лазаров „прва виолина„ во тешката победа на Барса против Висла
Барселона - ОРЛЕН Висла плок 30:25 (13:12)
Европското деби на домашен терен ракометарите на Барселона го имаа во „Палау Блауграна„ против полскиот вицешампион ОРЛЕН Висла Плок без повредениот капитен Томас и казнетиот Сергеј Рутенка. Нодесбо го отвори резултатот, а голманот Гонзало ги „прочита„ првите удари на Зеленовиќ. По неколку одбрани на полските голмани, а и Вихари му одбрани седмерец на Сигурдсон, данецот Нодесбо со гол од контра израмни на 2:2. Следеа два брзи гола на романецот Валентин Јонеа за 2:4 во 10 минута.
Лазаров: „Седумката ја носам заради Тони Кукоч„
Македонскиот репрезентативец Кирил Лазаров одговори на седумте прашања на порталот www.handball-profile.com и откри некои детали од неговите почетоци и растот на кариерата.
Против Висла Плок без Сергеј Рутенка
В недела в пладневниот меч со полскиот вицешампион, Барселона ќе биде без еден свој стандарден член. Барселона ќе биде ослабена откако ЕХФ реши да го казни Сергеј Рутенка со суспензија од еден натпревар неиграње во елитното европско натпреварување.
Егзибиција и нова домашна победа за Барселона
Барселона - Сиудад Енкантада 42:22 (25:8)
Во меч на апсолутна супериорност, ракометарите на Барселона ја совлада Сиудад Енкантада со 20 гола разлика. Младиот Алекс Гомез дебитираше за каталонците и се запиша меѓу стрелеците, а повредените ракометари и натаму ги лечат повредите пред посилните октомвриски тестови. Барса почна одлично и започна со предност од 5:1 во 6 минута, благодарение на двата гола на Жалуз и еден на Јоан Саубич.
Шпанскиот првак подобар од шведскиот во европското деби
Алингсас - Барселона 28:38 (16:21)
Ракометарите на Барселона со победа во Шведска ја почнаа новата сезона во Лигата на шампионите. Во меч полн со голови, Лазаров и другарите го совладаа Алингсас со 28:38 со доминација во текот на сите 60 минути. Само во првите 10 минути се играше израмнето, благодарение на брзината на швеѓаните. Теландрем и Енстрам беа инспиратори на добриот почеток на скандинавците (3:3).
Лазаров ја почнува својата 19 Лига на шампиони
Од сезоната 1994/95 година, кога дебитираше во дресот на Борец како младо момче на натпреварите со Динамо Букурешт и Елгоријага Бидасоа, Лигата на шампионите е вообичаен сопатник за Кирил Лазаров. Секоја година со исклучок на сезоната 1997/98, кога со Пелистер настапуваше во ЕХФ Купот, капитенот на нашата ракометна репрезентација е рекордер по бројот на голови, а се ближи и до вечните рекорди по бројот на одиграни натпревари во најсилниот куп.
