Против Висла Плок без Сергеј Рутенка

В недела в пладневниот меч со полскиот вицешампион, Барселона ќе биде без еден свој стандарден член. Барселона ќе биде ослабена откако ЕХФ реши да го казни Сергеј Рутенка со суспензија од еден натпревар неиграње во елитното европско натпреварување.

Белорусинот заработи црвен картон во завршницата од второто полувреме на мечот во Шведска против Алингсас, а ЕХФ процени дека тој треба да добие и дополнителна казна за своето однесување. Барселона не загубила домашен натпревар во било кое натпреварување со години, а посебно во последните две сезони откако Лазаров го облече дресот на најславната шпанска ракометна екипа.