Македонија со блесоци, но Франција е пресилна за „црвено-жолтите„
Квалификации за ЕП - Полска 2016 година
Франција - Македонија 35:24 (17:10)
Франција без Акамбре и Бараше, Македонија без Наумче Мојсоски за разлика од мечот во средата, излегоа на мегдан во исполнетата арена во Тулуз. Опоравениот Нарцис и дебитантот Дипанда добија шанса од првата минута, а ракометарот на ПСЖ го постигна првиот гол на средбата. Македонија возврати со два прекрасни гола на Филип Лазаров за 2:2. Нашето одлично отворање во првите 10 минути го комплетираа головите на крилата Манасков и Георгиевски за 4:4. По исклучувањето на Јоноски во 12 минута, Франција за прв пат побегна на +2, со вториот гол на Никола Карабатиќ.
Oнеста се враќа во неговиот Тулуз
Градот Тулуз има големо значење за францускиот селектор, трофејниот Клод Онеста. Тој е роден во малото место Алби, но најголемиот дел од животот го минува во Тулуз. На 11 годишна возраст, почна да тренира ракомет и беше активен ракометар се до 1987 година, кога стана тренер на Тулуз.
Лазаров: „Посебно ми се допаѓа што претерано не ја респектираме Франција„
За разлика од мечевите со бившиот светски првак Шпанија, во Скопје и Гвадалахара пред две години, македонската ракометна репрезентација игра позрело и покомплетно против актуелниот првак, Франција. Со таква самодоверба здобиена по мечот во Скопје, Лазаров и другарите едвај го чекаат денешниот меч во Тулуз. Капитенот ја растерети групата, потенцирајќи дека најмногу му се допаѓа што ниту еден негов соиграч претерано не го респектира противникот:
Онеста ќе го ризикува Нарцис со Македонија
Конечно добра вест за Клод Онеста и светскиот првак. „Триколорите„ денес ќе бидат посилни за Даниел Нарцис, бекот на ПСЖ кој не играше на првиот натпревар во Скопје и е подготвен, па ќе биде во протоколот за мечот со Македонија. Тој се пожали на повреда, но откако на листата на повредени се впишаа имињата на Вилијам Акамбре и Ксавиер Бараше, селекторот сепак се реши да го ризикува Нарцис.
ФОТО: Македонските ракометари ја почувствуваа салата во Тулуз
По вчерашниот долг пат, македонската ракометна репрезентација денес имаше слободно претпладне и попладневен тренинг на кој Лазаров и другарите за прв пат се запознаа со арената во Тулуз, каде утре ќе се игра четвртиот меч од квалификациите за ЕП во Полска. Гоце Георгиевски, Борко Ристевски и Кирил Лазаров веќе добро го познаваат утрешното борилиште.
Чешка си ја заврши работата и по втор пат ја доби Швајцарија
Чешка изби на второто место во седмата квалификациона група на неполни две кола до крајот на квалификациите за ЕП во Полска наредната година. Попладнево во Плзен, Чешка по втор пат во четири дена ја совлада Швајцарија со 29:25 (15:13) и стигна до 5 бода по 4 одиграни меча. Текот на настаните и резултатот се одвиваше како во Шафхаузен во средата, кога чесите славеа со 30:26.
Онеста дополнително го повика Дипанда од Сант Рафаел
Адријан Симон Дипанда за прв пат е повикан во репрезентацијата на Франција на два дена до мечот со Македонија в недела во Тулуз. Повредите не го штедат светскиот првак, па по Бараше, одпадна од комбинација и Акамбре, а левиот бек на Сант Рафаел е премиерно повикан во дресот со државниот грб.
Заврши сезоната за Акамбре, следи пауза од 4 месеци за асот на ПСЖ
За левиот бек на ПСЖ, Вилијам Акамбре заврши сезоната поради повредата што ја доби на почетокот на вториот дел на дуелот меѓу Македонија и Франција во Скопје во средата. Тој го повреди коленото, а по лекарските прегледи е утврдено дека станува збор за повреда на менискусот и лигаментите на коленото. Репрезентативецот и бившиот ас на Монпеље по операцијата ќе мора да мине и четири месеци на рехабилитација.
Ракометарите одлетаа за Тулуз
Попладнево од аеродромот „Александар Велики„ од Скопје, делегацијата на Македонската ракометна репрезентација замина за Тулуз, каде ќе стигне преку два авионски лета. Утре момците на Обрван ќе имаат тренинзи во Тулуз каде ќе се игра натпреварот и каде Гоце Георгиевски настапува за истоимениот клуб.
ВИДЕО: Сорондо: „Се играше на детали, а тие на крајот беа на наша страна„
Победата во Скопје, светските прваци скоро и математички да ги квалификува за европското првенство во Полска, каде ќе го бранат златото освоено во Данска пред 16 месеци. Еден од адутите на Клод Онеста и на мечот со Македонија е Седрик Сорондо, кој констатираше дека не е лесно да се победи на теренот на Македонија, како и дека нема да биде лесно да се победи на гостувањето кај Чешка:
