Нов „фестивал од голови„ за Барса против Вила де Аранда
Барселона - Вила де Аранда 46:30 (23:13)
На Барса му преостана полесниот дел од работата во последниот месец од ASOBAL лигата. Момците на Пасквал имаат пет недели да го подготват Final four турнирот од Лигата на шампионите во Келн и мечот со Вила де Аранда вечерва во „Палау Блауграна„ беше еден вид полесен тренинг. Шариќ добро почна на голот, а Нодесбо и Гурбиндо брзо донесоа 4:1 во 6 минута. Разиграниот Сармиенто погоди од место за 9:4 во 12 минута.
Киелце и Душебаев стојат на патот на Лазаров и Барса до финалето
Денешната виенска ждрепка за полуфиналето на ракометната Лига на шампиони, на Барселона му го донесе истиот противник од пред две сезони. Полскиот првак Киелце кој на патот до Келн ги елиминира Монпеље и Вардар ќе биде ривал на Лазаров и другарите. Во сезоната 2012/13 овие две екипи се сретнаа во „Ланксес арената„ и каталонците беа подобри, но подоцна загубија од Хамбург во финалето.
ФОТО: „Аквалина„ е домот на ракометниот камп „Кирил Лазаров 7„
Ова лето во Охрид ќе се одржи првиот ракометен камп „Кирил Лазаров 7„. Организаторот за свој дом го одбра хотелот „Аквалина„ кој ги нуди сите услови за професионална работа на учесниците на кампот.
Хансен изби на врвот, но најдобар стрелец ќе биде Илиќ или Лазаров
Данскиот голгетер Микел Хансен постигна 15 гола во поразот на неговиот ПСЖ во Унгарија против Веспрем. Сепак ниту тоа не му беше доволно на францускиот претставник да мине во полуфиналето. Но со ова постигање, Хансен изби на првото место на листата на стрелците со 103 гола. Со 9 гола против ППД Загреб, Лазаров се доближи на само два гола помалку од Момир Илиќ, кој даде 7 гола против „светците„. Со оглед на тоа што и двајцата имаат уште по два меча, извесно е дека најдобар стрелец оваа сезона ќе биде или Лазаров или Илиќ.
Реприза на ланскиот Final four со Киелце место Фленсбург
Со одигрувањето на денешните три реванш средби од четвртфиналето на Лигата на шампионоте, познати се четирите екипи, кои ќе играат на Final four завршницата во Келн на 30 и 31 мај. Во вторник ќе бидат познати полуфиналните парови, а можни противници на Барселона на Кирил Лазаров се германскиот Кил, полскиот Киелце и унгарскиот првак и победникот на СЕХА лигата оваа сезона, Веспрем.
ФОТО+ВИДЕО: Свечена вечера на старо-новите шампиони на Шпанија
Остварени се сите досегашни цели во сезоната на Барселона. Клубот освои пет трофеи и во последните 40 дена од сезоната ќе влезе со реални шанси за уште два трофеи. Ако успеат да слават во Лигата на шампионите и Купот на Кралот, а во двете натперварувања се во полуфиналето, ракометарите на Пасквал ќе освојат неверојатни седум трофеи во сезоната. По повод петтата последователна титула во ASOBAL лигата, клубот организираше свечена вечера на која сите ракометари и членови на стручниот штаб со своите семејства можеа да прослават уште една ASOBAL лига преполна со победи и рекорди.
Петти Final four за Барса, шесто полуфинале за Лазаров
Победата против ППД Загреб за екипата на Барселона значеше ново учество на завршниот турнир или петти Final four од вкупно шест од формирањето на овој тип на завршница во Лигата на шампионите. Само во сезоната 2011/12 кога беше елиминирана од Копенхаген, екипата на Пасквал не стигна до „Ланксес арената„ а го освои трофејот во сезоната 2010/11 кога во финалето го совлада Сиудад Реал на Кирил Лазаров со 27:24.
Егзибиција и убедлива победа со „виза„ за Келн за каталонците
Барселона - ППД Загреб 43:21 (23:10)
Со убедливо издание и победа во која се гледа разликата во класи, ракометарите на Барселона го визираа пасошот за Келн со уште едно учество на Final four, трето по ред. Многу сериозно и организирано во двата правци тргна фаворитот и Карабатиќ на додавање на Гурбиндо веднаш донесе водство од 2:0. Ентрериос, Лазаров од седмерец и Сигурдсон уште во 6 минута најавија како ќе се одвива натпреварот.
Германците Гајпел и Хелбиг судат во „Палау Блауграна„
Германските судии Ларс Гајпел и Маркус Хелбиг се делегирани за делење на правдата на вториот меч од четвртфиналето од Лигата на шампионите помеѓу Барселона и ППД Загреб в сабота од 18:30 часот во „Палау Блауграна„ во Барселона. Делегати на ЕХФ се Панос Антониу од Кипар и Феликс Рац од Швајцарија.
Ниокас повреден, го пропушта двомечот со Македонија
Десното крило на бундеслигашот Гепингем, Аликс Кевин Ниокас заработи повреда на мускулот од десната нога и неколку недели ќе биде надвор од ракометните терени. Така нема да настапи за својот клуб против Кил на 22 април и на двата меча на француската репрезентација против Македонија на 29 април во Скопје и на 3 мај во Тулуз.
