ФОТО: Навивачите се загреваат за финалето пред „Ланксес арената„
Иако и денес во Келн е облачно и има голема веројатност за дожд, стотици навивачи на финалистите Барселона и Веспрем уште неколку часа пред финалето се загреваат со добро познатото домашно пиво „Келш„ за финалето на Лигата на шампионите.
ЕХФ веќе продаде 6.000 билети за наредниот Final four
Колку Келн и „Ланксес арената„ е успешен проект покажува и податокот дека само вчера на полуфиналниот ден на овосезонскиот завршен турнир, кога беа пуштени во продажба првиот пакет на билети, продадени се 6.000 комплети за наредното издание на Final four турнирот во 2016 година.
Германија - Шпанија 18:14 во европски титули, се доближуваат ли шпанците?
За прв пат по три години, Бундеслигата нема да го даде новиот европски првак, откако Кил, Хамбург и Фленсбург беа последните победници на Лигата на шампионите. По втор пат во Келн, нема германска екипа во финалето, по шпанскиот дуел пред четири сезони, кога Барселона го доби тимот на Реновалиа Сиудад Реал.
Пасквал: „Во финалето дојдоа најконстантните во сезоната„
По четврт пат во Келн, Барселона под водство на Чави Пасквал ќе игра за европска титула во Келн, а тренерот на Лазаров и соиграчите е убеден дека двете најдобри и екипи со најдобар континуитет во текот на сезоната, стигнаа до финалниот меч. „Веспрем е екипа која слободно може да го победи Кил, Киелце и нас. Играта им се базира на многу силен дефанзивен блок и одлични голмани.
Јубилеен меч број 300 на Барса во Лигата на шампионите, вреден титула
Вечерашното финале не е било кој меч, туку јубилеен меч број 300 на Барселона во Купот или Лигата на шампионите во ракомет. Трофејната шпанска екипа може да го заокружи јубилејот со титула, ако од 18:00 часот го совлада Веспрем, во нивото прво меѓусебно финале на Лигата на шампионите. Барса ќе го игра своето 16 европско финале, 13 во најсилниот Куп. Уште поимпозантен е билансот во Келн, каде Барса доаѓа до своето четврто финале од пет настапи на завршниот турнир.
Карабатиќ и Сорондо тргнуваат по гренд-слем колекција
Мотивите да се добие едно финале се огромни. Некој ги пронаоѓа кај себе, некој во групата на ракометари, некој кај навивачите и кулоарите. „Семоќниот„ Никола Карабатиќ и неговиот репрезентативец колега Седрик Сорондо се на само еден натпревар да го повторат успехот на нивниот сонародник Тјери Омејер во 2010 година.
Илиќ: „Сега имаме повеќе енергија откако го совладавме Кил„
Системот на натпреварување не дозволува премногу навраќање на полуфиналните мечеви, бидејќи останува многу малку време пред финалето и треба да се подготват и најмалите детали. Ракометарите и тренерот на Веспрем еуфорични по победата против Кил очекуваат крунисување на сезоната во мечот денес попладне против Барселона.
Барса историски многу поуспешна од Веспрем
Во претходните 29 години, Барселона и Веспрем се среќавале во мечеви од европските купови дури 15 пати. Далеку подобар биланс имаат каталонците кои славеле на 10 меча, само еднаш било нерешено, а 4 пати се радувал Веспрем. Играле во сите рангови, во групна фаза, во полуфинале, четвртфинале или осминафинале на Лигата на шампионите. Се сретнале и во во КПК, кога Веспрем го носеше старото име Епиток.
Финале број 13 за Барселона, а второ за Веспрем
Можеби за многумина неочекувано, но прв пат во едно европско финале ќе играат најтрофејните екипи на Шпанија и Унгарија, Барселона и Веспрем. Барса зад себе има 12, а Веспрем едно финале. Двојно повеќе победи од порази во завршните натпревари имаат каталонците, а откако се игра завршен турнир во Келн, Барселона има една победа и два порази во финалните натпревари.
Пасквал: „Во финале сме без нашиот најдобар ракомет„
Видливо беше дека Барса во две ситуации кога можеше да го дотолчи противникот, му даде можност да се врати. Но кога се укажа и трета шанса за предност од 4-5 гола, момците на Пасквал дефинитивно резултатски „побегнаа„ до место во финалето. На прес-конференцијата, двата тренери беа согласни дека подобрата екипа ќе игра за трофејот.
