„Лавовите„ поумешни и посреќни од европскиот првак
Рајн Ловен Некер - Барселона 22:21 (10:9)
Две години по драматичното четвртфинале ,во кое Барса ги елиминира „лавовите„ само благодарение на повеќе голови во гости, двете екипи сега се соочија во првиот меч од новиот систем на групната фаза на најсилниот европски куп. Германскиот вицешампион во интензивен натпревар успеа да му го нанесе првиот пораз во Европа на тимот на Пасквал по повеќе од една сезона (22:21). По изедначениот почеток, германците преку Шмит и Грецки поведоа со 5:3 и веднаш стручниот штаб на Барселона побара тајм-аут. Реакцијата ја донесе нашиот Кирил Лазаров кој постигна 3 гола, а се разбуди и Сигурдсон за прво водство на гостите (6:7).
Барса тргнува во одбрана на титулата
В недела од 19:30 часот, ракометарите на Барселона ја почнуваат одбраната на титулата во Лигата на шампионите, од жешкиот терен во Манхајм против Рајн Ловен Некер. Досегашните две гостувања во „Сап Арената„ за момците на Пасквал беа многу драматични. По 38:38 во групната фаза во сезоната 2010/11, пред две сезони подоцна двете екипи се сретнаа во меч за пласман на Final four во Келн.
Барса го положи тестот пред почетокот на Лигата на шампионите
Барселона - Фригорификос Моразо 34:23 (21:11)
Ракометарите на Барселона имаа добра генерална проба за мечот со кој ќе ја отворат Лигата на шампионите, в недела против Рајн Ловен Некер во Германија. Во рамките на третото коло од ASOBAL лигата, во „Палау Блауграна„ екипата на Хавиер Пасквал го совлада Фригорификос Моразо од Кангас со 34:23. Филип Јиха го отвори резултатот по само 20-30 секунди. Дури да трепнат, гостите од Кангас имаа сериозно задоцнување.
Лазаров за „Balkan-handball„: Сакам во Рио и уште две Лига на шампиони„
Најдобриот македонски ракометар, Кирил Лазаров во интервју за специјализираниот ракометен портал „Balkan-handball" говореше на скоро сите ракометни теми поврзани со неговата кариера, клубот и репрезентацијата. Тој се наврати на почетоците и еден од највлијателните тренери во неговата кариера.
Егзибиција и победа од 19 разлика за Барселона во Сарагоза
Арагон - Барселона 24:43 (8:22)
Една недела откако во Сарагоза го освоија ASOBAL Суперкупот против Грањолерс, ракометарите на Барселона се вратија на истото место и во истата сала во меч за првенствени бодови против Арагон. По разочарувачкиот пораз во полуфиналето на IHF Суперглоб во Доха против Фуксе Берлин, каталонците ја забележаа втората победа во домашното првенство (24:43). Гостите веднаш започнаа агресивно во одбраната и како резултат на тоа, два пати Сигурдсон и еднаш Томас погодија за брзи 0:3.
Лазаров трет стрелец на IHF Суперглоб
Кирил Лазаров дефинитивно беше единствената светла точка на Барселона во променливиот тим на IHF Суперглоб турнирот во Доха. Најдобриот македонски ракометар се најде на третото место на листата на стрелците на целиот турнир, на кој Барса го освои третото место.
„Лисиците„ од Берлин го „украдоа„ трофејот од Доха
Фуксе Берлин - Веспрем 28:27 продолженија 24:24 (15:13)
Победникот на ЕХФ Купот, германски Фуксе Берлин ја комплетираше својата перфектна недела, освојувајќи ја светската клубска титула. Бундеслигашот најнапред ја совлада Барселона во полуфиналето, а денес во финалниот меч беше подобар и од унгарскиот и СЕХА шампионот, Веспрем со 28:27 (24:24) (15:13). Ниту 60 минути не беа доволно да се добие победникот, откако новиот ракометар на Веспрем, Арон Палмарсон погоди и овозможи дополнителни два пати по 5 минути продолженија.
Утешна победа и трето место за Барса во Доха
Барселона - Сиднеј Универзити 30:20 (15:10)
Ракометарите на Барселона го освоија третото место на IHF Суперглоб турнирот во Катар, откако во малото финале го совладаа првакот на Австралија и Океанија, Сиднеј Универзити со 30:20. Иако се надеваа дека ќе играат неколку часа подоцна во финалето за одбрана на титулата, момците на Пасквал мора да се задоволат со место на пиедесталот и трето место оваа година со две победи и еден пораз. Коннкретно мечот со австралијанците беше приказна во еден смер, во која Барса почнувајќи од 16 минута поведе и не го испушти водството до крај. Сиднеј Универзити добро го отвори мечот и со головите на Љоренте и Корнења водеше со 4:6 и 6:8 во првата фаза од мечот.
Барса поразена по 276 дена
Вчерашниот пораз од Фуксе Берлин во полуфуналето на IHF Суперглоб во Доха, малку кој го очекуваше во ракометните кругови. Сепак и поразот е составен дел од спортот, а голем клуб како Барселона не знаеше за пораз цели 9 месеци. Овој пораз е први во 2015 година, што јасно покажува колку е тешко да се совлада големата каталонска „машина„. Последна екипа која успеала во официјален натпревар да слави против тимот на Хавиер Пасквал е полската Висла од Плок, која на 6 декември минатата година, се радуваше на домашен терен во меч од групната фаза на минатото издание на Лигата на шампионите (34:31).
Веспрем е вториот финалист во Доха
Повеќе артикли...
© Kiril Lazarov