По Чупиќ, Лазаров е втор најдобар стрелец по првото коло
Како и на европското првенство кога на дебито ја „наполни„ домашната Данска, Кирил Лазаров во голем стил го стартуваше и мундијалот. Со десет погодоци при убедливиот триумф над Тунис, македонскиот капитен е втор најдобар стрелец по првото коло зад Иван Чупиќ.
ВИДЕО: Хасанефендиќ: „Македонија има искуство, има и звезди, го сруши нашиот сон„
Искусниот стручњак на клупата на Тунис, Сеад Хасанефендиќ на средбата со новинарите по мечот се сложи дека Македонија беше подобар и единствен противник кој ја заслужи победата. Делуваше загрижено со оглед на тоа што по Македонија им следи, Хрватска, но не пропушти да ги наполни со комплименти нашите ракометари:
ВИДЕО: Миркуловски: „Ќотекот не не уплаши, само вака да продолжиме„
Ниту грубата игра пред се во првото полувреме не го уплашија Филип Миркуловски, кој одигра меч преполн со жртвување, квалитет и квантитет. Максимално ја користеше секоја топка, секое парче простор од „Лусаил арената„ во Доха:
ВИДЕО: Манасков: „Бевме дисциплинирани и во двата правци„
Од натпревар во натпревар забележлив е напредокот кај Дејан Манасков, кој против Тунис покажа концентрација при одлучувачките моменти и постигна 6 гола од исто толку обиди. Зрелоста може да се почувствува и во неговите зборови по победата:
Првиот часовник за Дејан Манасков
Како и на претходниот мундијал, најдобриот ракометар на средбата добива рачен часовник од организаторот, како награда и сеќавање за овие 60 минути. По бербата на часовници на Борко Ристовски и Кирил Лазаров во Шпанија, наградата на мечот со Тунис отиде во рацете на Дејан Манасков.
ФОТО: Претседателот како најверен навивач го прослави триумфот со Тунис
Претседателот на Македонија, Ѓорѓе Иванов во голем стил го прославуваше секој гол и на крајот победата на македонските ракометари против Тунис. Тој и неговата сопруга и син како најверен навивач со многу емоции ги одгледа сите 60 минути и им донесе среќа на нашите ракометари. Иванов вчера допатува во Катар со своето семејство и ги охрабри ракометарите.
ВИДЕО: Стоилов: „Одигравме величествен меч, но вака мораме и со Иран„
Во меч во кој за играч на натпреварот бепе прогласен Манасков, блескаше капитенот Лазаров, Борко Ристовски го чуваше нашиот гол во голем стил, одлични изданија и на сите останати наши членови на првиот тим и на оние кои добија шанса од клупата. Стојанче Стоилов во двата правци лавовски се бореше, покажуваше знаци на формата од Србија 2012 и покрај уморот по средбата на неговото лице видливо беше задоволството:
ВИДЕО: Лазаров: „Голема победа, но нема да полетаме„
Како и на европското првенство во Данска, на првата средба капитенот Кирил Лазаров беше двоцифрен и ја поведе нашата селекција до многу важна победа, во која Македонија покажа карактер, но и зрелост на генерацијата:
Зрело и комплетно издание за прва победа над Тунис
Б - група
Македонија - Тунис 33:25 (18:14)
Првиот меч на мундијалот во Катар беше и дуел на клубските колеги од Барселона, македонецот Лазаров и тунижанецот Жалуз. Носени од скоро 2000 навивачи, момците на Хасанефендиќ поведоа по 50 секунди со голот на Ахмен Хамед. Веќе во следниот напад Жалуз ефектно зголеми на 0:2. Реакцијата на нашиот тим беше седмерецот изнуден од Никола Марковски и реализацијата на Кирил Лазаров.
Македонија почесто губи, отколку што победува на деби мечевите
Две победи, еден нерешен резултат и три порази имаат македонските ракометари на стартот на големите приредби на кои сме учествувале. Билансот станува уште полош ако се земе во предвид и стартниот пораз на олимписките квалификации во Гетеборг против Унгарија. Време е да се подобри билансот и за прв пат да се совлада Тунис во официјален натпревар.
