ВИДЕО: Прибак: „Не очекувам ништо повеќе од босанците на овој мундијал„
Еден од оние кои ги искористија своите минути против Иран е Немања Прибак, кој е безрезервен оптимист за нашето светско првенство и верува дека и натаму ќе продолжиме да победуваме. Исто така ни малку не стравува од наредниот ривал, Босна и Херцеговина со кој ќе се соочиме утре попладне:
ВИДЕО: Велко Марковски: „Одбраната има доволно енергија за понатаму„
По бројот на примени и голови на првата средба со Тунис јасно е дека нашата одбрана го положи тестот, а со 31 примен гол против Иран не беше на висината на задачата. Но дефанзивниот столб Велко Марковски смета дека не само што се победија првите два натпревари, туку се заштеди многу енергија:
ФОТО: „Фалангата„ држи лекции по навивање
Пак обединета, со членови од секој дел од светот, од таковината, ширум Европа, па и оние кои живеат и работат во Катар и ОАЕ „Фалангата„се собра за овој голем настан да ја бодри својата земја и ракометните асови.
ВИДЕО: Миркуловски: „Алудиравме да не потцениваме, но не бевме вистински„
Многу важен елемент по мечот со Босна и Херцеговина е тоа што нашите ракометари се свесни дека беа далеку од своето издание и на нивните лица можеше да се види резервирана среќа. Податокот дека победата е остварена со ни 50% од своите можности, премногу технички грешки и конфузија, може да биде колку лош, толку и добар предзнак. Ако не можеме да победуваме како големите сили, кои за вакви натпревари не се испотуваат, тогаш барем да ја научиме лекцијата. Токму овој вид на заклучок можеше да се прочита од зборовите на Миркуловски, кој делува зрело и многу, многу солидно:
Обрван: „Не бевме добри, но сите треба да го почувствуваат системот„
Критични расположен кон колективот, но и доследен на своите идеи, селекторот Ивица Обрван ги пофали таканаречените „втори линии„ и истакна дека проблемот не беше во ротацијата туку во максимумот, кој како тим не го дадовме попладнево во Доха. Иран се охрабри, имаше свои моменти, но победникот не беше доведен во прашање, меѓу другото и заради влегувањето во игра на триото Лазаров - Миркулоски - Мојсоски:
ВИДЕО: Георгиевски: „Не бевме сјајни, но ја исполнивме целта„
Гоце Георгиевски посебно во првиот дел најбрзо трчаше во контранапади и ги користеше додавањата на Петар Ангелов. Позитивно е што и самиот е свесен дека Македонија не беше како што треба да биде и дека освен резултатот нема кој знае што позитивно да се издвои од мечот со иранците:
ВИДЕО: Недановски: „Драги ми се головите, но посебно победата„
Повикувањето на Владо Недановски на местото на Гоце Ојлески значеше дополнителен ракометар во ротација во двата правци, но и можност мотивираното крило да „одскокне„ на овој мундијал. Така и беше во второто полувреме на мечот со Иран, кога Недановски даде голем придонес во победата и се наметнува пред останатите три натпревари во групата:
Прв часовник за Кирил Лазаров во Доха
Нашиот капитен влезе во игра во 20 минута и до одморот нанижа 4 гола. Успешно релизираше од седум метри и асистираше и во продолжението, па мечот го заврши со 9 гола. Подоцна го доби признанието за најдобар наш ракометар на средбата, што е прв негов часовник на ова светско првенство.
ВИДЕО: Лазаров: „Наместо да се одмориме, ние се потрошивме„
Иако скоро да го повтори личниот учинок од мечот со Тунис, капитенот Лазаров не беше ниду задоволен ниту среќен од 60 минути против Иран. Обидот рутински да се добие тимот на Мачек и ако е возможно да се зачуваат силите, потполно пропадна, па моравме да бараме обиколен пат до победата. На тој пат веројатно потрошивме повеќе енергија од предвиденото:
Наместо рутински, Македонија се „испоти„ за победа над Иран
Б група
Иран - Македонија 31:33 (17:19)
Ден по нашата победа против Тунис, момците на Обрван се преселија во „Ал Саад арена„ во центарот на Доха за мечот со Иран во рамките на второто коло. Пред мал број на гледачи, едвај 500, Македонија пак мотивирано влезе во мечот. Вугринец, Прибак и Филип Лазаров го почнаа мечот од надворешната линија, а на голот застана Петре Ангелов. При 1:1 заради погрешна замена, нашата клупа заработи исклучување. Грешка која многу ретко ни се случува. Сепак Гоце Георгиевски од втората контра, го донесе нашето второ водство (1:2).
