ВИДЕО: Магичен спот за почетокот на вистинската Лига на шампиони
За големите тимови како Барселона како сега да почнува вистинската Лига на шампиони. Започнуваат нокаут мечевите и од 16 желби само 4 ќе дојдат во Келн на крајот од мај. В недела во Данска против Алборг, Лазаров и другарите го играат првиот од шесте мечеви до европската титула.
Спектакл со 51 гол и нова лесна победа за Барса
Барселона - Пуерто Сагунто 51:29 (25:17)
И во 21 последователен натпревар од ASOBAL лигата, ракометарите на Барселона забележаа лесна победа и само прашање на време е кога ќе влезат во период кога секое коло ќе се очекува математичка потврда на титулата. Против Пуерто Сагунто, Лазаров и другарите преку Нодесбо и Сармиенто и голови по само неколку секунди од средбата, поведоа со 3:1. Бернатонис со два неодговорени гола возврати, но Никола Карабатиќ го постигна својот прв гол во 9 минута за 6:3. Играта преку кружниот напаѓач често беше мотив на момците на Пасквал, па Нодесбо постигна уште еден гол за 8:4. Со два гола од крилна позиција на Гудјон Валур Сигурдсон во 11 минута, Барса веќе имаше двојно повеќе голови од противникот (11:5).
Дваесетта ASOBAL победа оваа сезона за Барселона
Сиудад Енкантада - Барселона 27:39 (13:19)
На гостувањето во Куенка, Барселона имаше еден од последните сериозни испити пред двомечот со Алборг во осминафиналето на Лигата на шампионите. Тамба Бунке и Валез Фернандез подобро го отворија натпреварот и Сиудад Енкантада поведе со 2:0. Кирил Лазаров со два гола во раната фаза, ја донесе реакцијата на гостите и Барса намали на 4:3 во 7 минута. Потоа македонецот реализира седмерец за 5:4 и почетокот навестуваше нешто поизедначен натпревар и голема борба. Со уште два гола Тамба Бунке се наметна како „ударна игла„ во екипата на Сиудад Енкантада и домаќинот поведе со 7:5 во 14 минута.
Во Куенка без Шариќ и Сармиенто
За гостувањето во Куенка против Суидад Енкантада, каде лидерот Барселона ќе ја брка 19 победа во ASOBAL лигата оваа сезона и вкупно 51 по ред во најсилното шпанско првенство, тренерот Паскал нема да може да смета на двајца стандардни ракометари. Голманот Даниел Шариќ и средниот бек Даниел Сармиенто заради лични причини се ослободени од обврските за овој натпревар и не ни одпатуваа за Куенка.
Повторно се враќа играта „Handball manager„
Сите ракометни фанови повторно ќе имаат можност да се забавуваат со популарната компјутерска игра „Handball mаnager„ која со екипите и звездите од Лигата на шампионите ќе можат да ја играат сите заинтересирани. По принципот на претходното издание, а многу слично како фудбалскиот „Football manager„ секој вљубеник во спортот и компјутерските игри ќе можат да ги одберат своите омилени ракометари, да ги менуваат, да ги вреднуваат и да ги играат натпреварите.
Пак убедлив триумф и 50 победа по ред во ASOBAL лигата за Барса
Барселона - Фригорификос Моразо 43:22 (24:11)
Откако ја завршија работата во групната фаза на Лигата на шампионите, ракометарите на Барселона продолжија да ги бркаат рекордите во домашното првенство. Поусада го постигна првиот гол во мечот за Фригорификос Моразо, но Барса беше силно мотивирана да дојде до јубилејната 50 победа во серија во ASOBAL лигата.
Седум шпански тренери во осминафиналето на Лигата на шампионите
Шпанските тренери се на цена во Европа. И оваа сезона во Лигата на шампионите нивниот квалитет излегува на површина и дури седум шпански тренери ќе ги водат своите екипи во осминафиналето на Лигата на шампионите. Покрај Хавиер Пасквал и Хавиер Гонзалез кои ги водат шпанските претставници во нокаут-фазата Барселона и Натурхаус Ла Роха, и останатите европски клубови посегнуваат по шпанските тренери. Така македонскиот претставник, Вардар во својот стручен штаб ги има Раул Гонзалез и Давид Дејвис, кои беа дел од Атлетико Мадрид кога Кирил Лазаров настапуваше за црвено-белите.
Виенската ждрепка му го донесе Алборг на каталонците
Како и минатата година, Барселона го доби данскиот Алборг за противник во осминафиналето од Лигата на шампионите. Виенската ждрепка која донесе германски и француски меѓусебен дуел, на каталонците им го донесе вицешампионот на Данска, а не Монпеље и Натурхаус Ла Роха, кои исто така беа потенцијални противници.
Лазаров во идеалниот тим на групната фаза според„Hand-station„
Кирил Лазаров oчекувано се најде во идеалниот тим по групната фаза од Лигата на шампионите, според „Hand- station". Во идеалниот состав се и голманот на Веспрем, Роланд Миклер, неговиот клупски колега Момир Илиќ, десното крило на Монпеље, Драган Гајиќ, кружниот напаѓач Камил Сипржак од Висла и вардарците Карачиќ и Дибиров.
Алборг, Натурхаус Ла Роха или Монпеље, осминафинални ривали на Барса
Во пресрет на утрешната ждрепка за осминафиналетона Лигата на шампионите, Барселона иам три можни противници, а извесно е дека било кого да добие ќе биде фаворит и возвратниот меч ќе го игра во „Палау Блауграна„. Натурхаус Ла Роха во која од неодамна потпиша Ацо Јоноски, Монпеље и Алборг се тимовите од кои ќе произлезе осминафиналниот противник на каталонците.
