Фондацијата „Климент Колески“ партнер на ракометниот камп „Кире Лазаров 7“
Две успешни приказни, спортска и хумана, се спојуваат во поддршката на младите и вистинските животни вредности. Ракометниот камп на Кирил Лазаров доби поддршка од Фондацијата „Климент Колески" од Охрид, која ќе го помогне второто издание на спортската школа што ова лето ќе се одржи во Охрид.
Федерацијата со подршка за ракометарите и подарок за роденденот на Маркоски
Пред синоќешниот вечерен тренинг во салата „Јане Сандански", Претседателот на РФМ Живко Мукаетов и Генералниот секретар Филип Милошевски, ги посетија репрезентативците, при што низ краток работен состанок поразговараа за претстојниот квалификациски турнир за Олимписките игри.
Промовиран проектот за вториот ракометен камп „Кирил Лазаров 7“
Вториот ракометен камп „Кирил Лазаров 7" ќе се одржува на крајот на јуни, а денес на официјална прес-конференција беше промовиран настанот:
Ракометарите ја започнаа „Операцијата Гдањск“
Сениорската машка репрезентација на Македонија синоќа во хотелот „Русија" во Скопје го одржа првиот собир кој го означува стартот на подготовките за Квалификацискиот турнир за ОИ 2016.
83 победа по ред за Барса во ASOBAL, Лазаров пак во одлична форма
Сиудад Енкантада – Барселона 23:42 (11:19)
Ракометарите на Барселона ја нанижаа и 83 победа во шпанскиот ракомет, откако во Валенсија беа подобри од Сиудад Ентантада со убедливи 23:42. По 11 дена без официјален натпревар, екипата на Чави Пасквал со ново одлично издание на нашиот Кирил Лазаров ја совлада екипата на Сиудад Енкатада со високи +19. По изедначениот почеток, Жалуз и Лазаров со по 4 гола направија разлика и Барса брзо се одлепи на +8. Гонзало на голот собра 7 интервенции во неполно полувреме и Барса на одмор имаше 11:19.
Завршницата на ракометниот Куп на Кралот во Памплона
Памплона и Хелветиа Анаитасума ќе бидат организатори на завршниот турнир на Купот на шпанскиот Крал во ракомет на 7 и 8 мај. Ова натпреарување ќе биде последно за сезоната 2015/16. Само нешто повеќе од еднa недела по завршувањето на Лигата на шампионите, каде Барса ја брани титулата, и во Купот на Шпанија ќе се обиде да го повтори ланскиот успех.
Во Гдањск, Македонија ќе патува и со помош на психолог
Во пресрет на квалификациите за пласман на Олимпијадата во Рио 2016, РФМ ангажираше стручен спортски психолог, кој ќе им биде на располагање на македонските репрезентативци во текот на претстојниов поготвителен период. Федерацијата деновиве ги заврши преговорите со еден од најеминентните спортски психолози во регионов, д-р Тања Кајтна, професор на катедрата за спорт при Универзитетот во Љубљана, актуелен Претседател на Здружението на слевенечки психолози и Координатор за спортска психологија при словенечкиот Олимписки комитет.
Кил надополни против ПИК Сегедин и ќе игра четвртфинале со Барса
Кил, обезбеди пласман во четвртфиналето, во ракометната Лига на шампиони и им се приклучија на Барселона и ПСЖ, кои директни се пласираа меѓу најдобрите осум во Европа. Токму германскиот тим ќе биде противник на Барселона на Кирил Лазаров во четвртфиналето на Лигата на шампионите. Кил, во реванш осминафиналниот меч славеше над ПИК Сегедин 36:29, со што ја надополни негативата која ја имаше по мечот во Унгарија 29:33.
Барса дојде до 83 победа по ред, Лазаров доби ден одмор
Барселона – Синфин 35:23 (19:13)
Ракометарите на Барселона ја забележаа 83 последователна победа во шпанската ASOBAL лига, откако во „Палау Блауграна" ја совладаа екипата на Синфин од Сантандер со 35:23 (19:13). Тренерот на Барса, Чави Пасквал му даде ден одмор на Кирил Лазаров, а по повредата на 17 февруари против Фригорификос Моразо во тимот се врати хрватскиот интернационалец Копљар. Гостите добро го отворија мечот и до 7:7 беа рамноправен противник. Потоа Арињо реализира два контранапади и домаќините заминаа на 13:9. Барса го подигна нивото и ритамот на игра и до полувреме предноста веќе беше +6.
Познат скратениот список за Олимписките квалификации
Селекторот на сениорската машка ракометна репрезентација, Ивица Обрван го соопшти списокот од 20 ракометари, со кои ќе ги започне подготовките за квалификацискиот турнир за ЛОИ во Рио. Од првичниот список од 28 ракометари тој отстрани осум ракометари и костурот на оваа селекција е оној истиот од ЕП во Краков, надополнет со Никола Митревски, Филип Талески и Никола Костески.
