Реми во групата скоро редовно носи квалификација
Ако треба да се верува на традицијата на суеверието, тогаш скоро секогаш кога сме одиграле нерешено во групната фаза на едно големо натпреварување сме ја минувале групната фаза. Да се надеваме дека таков предзнак е и нерешениот резултат (24:24) со Чешка вчера.
ВИДЕО: Митков: „Австриските крила се многу опасни„
Еден од нашите ракометари кој добро ја познава репрезентацијата на Австрија е Влатко Митков. Не само заради тоа што настапува во нивната лига, туку и заради тоа што е клубски другар со тројца австриски репрезентативци: „Мислам дека многу напредувале и дека се посилни за разлика од нашите претходни две средби во баражот за светското првенство во Шпанија. Посебно треба да внимаваме на нивните крила кои брзо се трансформираат од одбрана во напад и можат да бидат многу незгодни„ рече штипјанецот на вчерашната средба со медиумите.
ВИДЕО: Стојчески: „Утре ќе знам дали препоната е скината„
На денешниот тренинг Филип Миркуловски нормално тренираше и неговиот настап против Австрија не е доведен под знак прашалник. Но за жал потврдени се стравувањата околу повредата на препоните на Никола Стојчески. Организаторот на нашата игра сигурно ќе одсуствува, а би било најдобра дијагноза ако не се потврди кинење на препоната:
Француски судии за клучниот меч со Австрија
Европската куќа на ракометот ги делегираше судиите за петтиот ден на континенталниот собир. Француските судии Тјери Денц и Денис Рибе ќе ја делат правдата на мечот со Австрија.
ФОТО: Данскиот печат за драмата и спектаклот на Лазаров
Со термините за голема драма и извонреден Лазаров, данските медиуми денес се осврнаа на вчерашниот меч на македонската репрезентација со Чешка. Иако не беше одделен голем простор за вториот меч во А групата, сепак покрај извештајот и фотографиите на Лазаров, се напоменува дека Македонија испуштила шанса за победа, но дека и во еден момент Чешка имала шанса за пресврт.
ФОТО: „Фалангата„ во посета на Копенхаген
Нашите навивачи во Данска собираат енергија за клучниот меч од првата фаза кој ќе го играат утре од 18:15 часот против Австрија. Утринава голем дел од нив заминаа за Копенхаген на еднодневна посета и прошетка низ главниот град на Данска. Во организација на Сашо Петревски - данецот, кој повеќе од 30 години живее во Данска и е голем пријател и со нашиот репрезентативец Кирил Лазаров, тие имаа можност за разгледување на градот.
Без Никола Стојчески против австријците
Уште синоќа можеше да се наговести дека Никола Стојчески ќе се бори со времето за да се опорави од повредата на препоните и да настапи против Австрија. Но на престојниот одлучувачки натпревар за пласман во следната рунда натпревари дефинитивно ќе настапиме без ресенчанецот.
Македонија го очекува својот 100.000 гледач
Дневниот весник „Нова Македонија„ исфрли статистика за гледаноста на мечевите на Македонија на европските првенства, и на ова, но и на претходните. Три пати Македонија играла пред повеќе од 10.000 луѓе, а најмпосетени биле мечевите со Данска. Најгледан е мечот со актуелниот европски првак во Белград пред две години - 17.000 гледачи.
ФОТО: Најубавата ракометна фан-зона до сега
Организацијата на настанот до овој момент е без ни најмала забелешка, посебно во Хернинг каде ракомет ќе се игра во текот на сите 14 натпреварувачки дена, заклучно со полуфиналните и финалните средби.
ФОТО: Арените во Данска се целосно озвучени
Ако забележавте крај малите екрани или во живо во четирите арени каде што се играат средбите од европското првенство, необични помагала и луѓе кои ги управуваат тогаш сигурно се запрашувате за што служат.
