Лазаров: „Уживам во улогата на капитен„
Во пресрет на најважниот меч на шампионатот, Кирил Лазаров го посетија новинарите од официјалната веб страна на неговиот клуб, Барселона, која дава огромен број на репрезентативци во Катар. Затоа и седмата сила постојано ги следи репрезентантите на првакот на Шпанија. Македонецот направи паралела меѓу клубот и репрезентацијата и потенцира дека има многу разлики и заеднички страни. Но на двете места исто е што Лазаров немилосрдно ги тресе противничките мрежи:
ВИДЕО: Ангелов: „Сите одиме по однапред зацртаната цел„
Кавадарчанецот Петре Ангелов ја засили својата самодоверба и на тимот му потврди дека може во секој момент да смета на него. Одбраните во вториот дел од мечот со Австрија, им ја олеснија работата на соиграчите и победата во ниту еден момент не беше доведена во прашање. Затоа и на прес-конференцијата Ангелов не си ги припишуваше заслугите, туку победата ја окарактеризира како уште еден чекор до заедничката цел:
ВИДЕО: Обрван: „Одлично е што моите играчи можат да играат со секого„
Средбата со новинарите на ден пред мечот со Словенија, беше исполнета со ведрина и оптимизам меѓу нашите ракометари и стручниот штаб. Селекторот Ивица Обрван потврди дека мора сите да се прилагодат на густиот распоред и на малиот период за подготовка меѓу натпреварите:
Традицијата не потсеќа на поразите во 2008 и радоста во 2012 година
Словенија е наш постојан соперник низ квалификациите и големите приредби во минатото. Иако најпресно и најпријатно сеќавање е тоа од Белград 2012година, сепак традиција вели дека не секогаш „змајчеките„ ни будат пријатни спомени. Еве ја листата на меѓусебни дуели меѓу Македонија и Словенија, која вели дека имаме 1 победа и 2 порази.
Денес во 15 часот се кова стратегијата за Словенија
Три меча и три победи за ракометарите на Македонија во „Али Бин Хамад Ал Атијах арената„ во Ал Саад - Доха. И неделниот меч од осминафиналето ќе се игра во оваа арена, па според однапред одредениот календар на тренинзи, денес од 15 часот по средно европско време, момците на Обрван ќе го имаат единствениот тренинг пред мечот со момците на Борис Дениќ. Убава можност да се „скенира„ противникот, да се верификува зглобот на Јоноски, иако постои јасен оптимизам и да се најде вистинската стратегија за мечот во кој влогот е четвртфинале. Многу повеќе македонски одколку словенечки навивачи ќе има в недела во Доха и тоа треба максимално да го искористиме.
Скок на Лазаров кај голгетерите, лидерство кај најкомплетните
Со деветте постигнати гола против Австрија, капитенот на македонската ракометна репрезентација Кирил Лазаров направи голем исчекор кон врвот на листата на стрелците. Денешниот негов меч беше комплетен, исполнет со многу голови, асистенции и влијание на играта. Лазаров е на 5 гола до водечкиот на листата на стрелците, словенецот Драган Гајиќ. Но затоа во севкупната листа за најкорисен играч во која се собираат головите и асистенциите, Лазаров е убедливо прв. Групната фаза завршува утре со мечевите од 5 коло во Ц и Д групата.
ВИДЕО: Манасков: „На почетокот од вториот дел го зададовме завршниот удар„
Со комплетен натпревар и со добра игра пред се во второто полувреме, Дејан Манасков уште еднаш потврди дека е „суво злато„ за оваа репрезентација и иднина за уште години и години. Ракометарот на Металург почувствува дека на почетокот на второто полувреме се „крши„ натпреварот и Македонија го зададе завршниот удар:
ВИДЕО: Мојсоски: „Против Словенија цврсто и со тактиката Металург„
По изедначеното прво полувреме Македонија во вториот дел за краток временски период го скрши отпорот на Австрија. Иако мечот влезе во конфузија во која имаше обострани исклучувања, но изедначен критериум на судиите, Македонија со сите свои ресурси се оддалечи од противникот Австрија и по трет пат го совлада тимот на Јоханесон во четири меѓусебни дуели:
Јоханесон: „Исклучувањето на Зиура беше клучен момент„
Иако разочаран предводникот на репрезентацијата на Австрија, Јоханесон мораше да го признае поразот и пак да констатира дека Македонија е интелегентна репрезентација и знае што сака. Исто така како голем удар за неговата репрезентација го потенцираше исклучувањето на Зиура:
Обрван: „Сакам да му честитам на Ангелов за менталната сила„
За прв пат на турнирот ролја на главен протагонист имаше Петре Ангелов, кој со серија на интервенции ја сопре офанзивната серија од првиот дел на австријците и успеа да ни донесе победа без многу треперење. Неговите 9 одбрани за 30 минути на голот, покажуваат дека во секое време треба да се смета на неговите услуги и може да ни бидат од голема корист. Селекторот Ивица Обрван не заборави да ја истакне силата и концентрацијата на голманот на Вардар:
