Лазаров ја доби наградата "Спортски амбасадор"
Кирил Лазаров, Агим Ибраими, Андон Дончевски и Јошко Миленковски денес ги добија признанијата „Спортски Амбасадори". Оваа „четворка" беше на прием кај премиерот Никола Груевски.
Лазаров се приклучи на подготовките на репрезентацијата
Репрезентативците една недела тренираат некомплетни под водство на помошникот на селекторот Данило Брестовац. Но од денес се комплетни и водени од Обрван влегуваат во централната фаза на подготовки за европското првенство во Полска. Сите се во очекување на Ацо Јоновски, кој синоќа играше меч со Кил во Бундеслигата и вечерва ќе пристигне во Скопје, а од утре ќе биде со репрезентативците.
Лазаров е најдобар македонски спортист во странство за 2015 година
Најдобриот македонски ракометар Кирил Лазаров е прогласен за најдобар македонски спортист во странство во изборот според АМС. Лазаров признанието го доби на централната манифестација која се одржа вечерва во Македонскиот народен театар во Скопје.
ВИДЕО: Червар за Лазаров: Тој е најдобриот ракометар кој сум го тренирал!
Во пресрет на Европското првенство ЕХФ направи профил за највлијателните ракометари на секоја репрезентација која ќе настапи на европското првенство. Под насловот "Кирил Лазаров, ноќна мора за секој голман", ЕХФ имаше осврт на главните карактеристики на репрезентативниот десен бек. За неговите достигнувања и успеси говореа Звонко Шундовски, Стевче Алушовски и Лино Червар.
Ракометарите го имаа првиот собир пред подготовките за Полска
Ракометната репрезентација на Македонија, денес го одржа првиот собир за почеток на последниот дел од подготовките пред настапот на Европското Првенство во Полска во јануари.
Лазаров најдобар стрелец на ASOBAL Купот
Очекувано признание за најдобриот македонски ракометар, Кирил Лазаров кој беше прогласен за најдобар стрелец на ASOBAL Купот, кој го освои со својата Барселона денес во Леон. Тој ги покажа сите свои квалитети и како ракометар и како лидер на оваа генерација и во двата натпревари, посебно во финалето, кога најмногу требаше потегнуваше за одлучувачки голови до победа.
101 последователна победа за Барса, 48 трофеј за Лазаров
Освоениот ASOBAL Куп е продолжување на серијата на Барселона која 101 последователен натпревар во Шпанија знае само за победи. Со тоа соборен е уште еден рекорд, кој веројатно уште долго ќе стои во ракометните анали на оваа земја. Нашиот Кирил Лазаров го освои третиот трофеј оваа сезона, а по четврт пат триумфира во ова натпреварување. Со ова признание нашиот репрезентативец стигна до 48 трофеи во дводецениската кариера.
Вонсерискиот Лазаров и го донесе ASOBAL Купот на Барса
Барселона - Натурхаус Ла Роха 35:31 (18:18)
Барселона ја освои титулата од ASOBAL Купот откако попладнево во Леон ја доби екипата на Натурхаус Ла Роха со 35:31 (18:18) и го одбрани трофејот освоен минатата година.
Натурхаус Ла Роха е противникот на Барса во неделното финале
Натурхаус Ла Роха е вториот финалист во ASOBAL Куот и противникот на Барселона за титулата утре попладне. Клубот од Логроњо го совлада домашниот Адемар Леон со 30:32 (13:16). Натурхаус Ла Роха постојано водеше во текот на сите 60 минути и заслужено ќе се бори за трофејот.
Барса ги одмори главните асови и обезбеди финале на ASOBAL Купот
Барселона – Фригорификос Моразо 34:21 (19:10)
Барселона е првиот финалист на ASOBAL Купот и вечерва ќе го дознае противникот за утрешното финале на турнирот, кој се одржува во Леон. Барса славеше против Фригорификос Моразо со 34:21 (19:10) во меч во кој разликата во квалитет беше очигледна.
