Омејер: „Очекувавме баш ваков меч, Шпанија беше одлична„
Мајсторот за големи натпревари не ги менува навиките. Тити Омејер може да брани колку што е можно полагодно, подеконцентрирано, може да нема континуитет во клубскиот ракомет, но кога ќе го облече плавиот дрес, се преобразува. Сигурно му е полесно со одбрана од браќата Карабатиќ, Сорондо и остриот поглед на Динар од клупата, но ниту еден друг голман во историјата нема такво влијание во својата репрезентација и околу титулите како Омејер. Се обиде да биде скромен и се штедеше на зборови на прес-конференцијата:
Гајиќ го осигура првото местото на листата на стрелците
Со 12 гола на мечот со Данска, крилото на Монпеље и на словенечката репрезентација Драган Гајиќ побегна на врвот на листата на стрелците и на еден натпревар до крајот за секоја од осумте репрезентации, тој има големи шанси да биде крал на стрелците.
Франција по петтата мундијалска титула во 20 години
Во било кој спорт е неверојатно да се освојат пет светски титули за 20 години. По такво постигање в недела ќе тргне Франција, која ако го совлада Катар ќе биде најтрофејна светска ракометна сила, минувајќи ја Шведска, а и старата сила Романија. Кога во 1995 година дојдоа на Исланд, французите немаа ниту едно злато од светските првенства, а сега имаат четири со големи шанси да стигнат и до пет. Низ овие светски титули, измешани се европски и олимписки медали, главно златни.
Словенија или Германија за Рио, Катар и Франција за златото
Познати се сите завршни натпревари на последниот трет викенд на светското првенство во Доха. За прв пат едно европско - азиско финале и историска можност Катар да ја продлабочи својата легенда. Нема дилема дека „невозможна мисија„ ќе им биде обидот да го совладаат најсилниот модерен ракометен тим, но в недела за нив е последниот испит. Во завршните натпревари, покрај златото, влогот е и бронзата и олимписката норма.
ВИДЕО: Онеста: „Влијанието на Динар на овој тим е огромно„
За некои ова беше инфаркт меч, а за францускиот тим кој навикнал да игра вакви мечеви на големи приредби, меч како денес да изгледаше чиста рутинач. И кога оди и кога не оди, тие се дефанзивно неверојатно стабилни, а голманот Омејер таа стабилниост ја трансформира во неминливост. Генерацијата на Омејер и Онеста е блиску до нивната трета светска титула, а Клод Онеста го велича триумфот во ракометното „класико„
ВИДЕО: Динар: „Тити и одбраната како и секогаш беа клучот„
Кога загусти во вториот дел на епското полуфинале во Доха и кога францускиот напад застана, на сцена стапи Дидие Динар и неговиот одбранбен стил, кој го приведе мечот кон крај до победа. Франција не можеше да ја разбие шпанската одбрана, но го затвори и својот гол. Дури и кога ќе ја минеа таа одбрана, актуелните светски прваци мораа да се справат со Омејер. Архитектот на најдобрата одбрана во светот емотивно го доживеа мечот и истакна дека Шпанија силно го намачи францускиот тим:
Омејер стапи на сцена и обезбеди ново француско финале
Мечот на последните два светски прваци ја оправда улогата на финале пред финалето. Јоан Канељас кој ја доведе Шпанија во ова полуфинале го отвори мечот со гол за светскиот првак. Но брзо одговори мотивираниот Никола Карабатиќ со три гола во првите 10 минути аз 6:7 за момците на Клод Онеста. Кога Нарцис погоди со спектакулрна задршка во воздух, Каденас побара тајм-аут при 6:8 во 11 минута. Омејер одбрани две топки и Гигу со два гола и Порт од спротивната страна на европскиот првак му донесоа комотни 6:10.
Словенците истрошени, Данска лесно до олимписки квалификации
Без ни малку деморализација по несреќниот пораз од Шпанија, европскиот вицешампион Данска ја совлада Словенија со водство во текот на сите 60 минути. Хансен и другарите и со таканаречената втора постава излегуваа на крај со многу лошата словенечка одбрана. На полувреме +4, на крајот 36:33 за скандинавците. Овој пат Шкоф и Прост немаа свој ден како против Македонија и во текот на 60 минути имаа само 4 одбрани.
Само Драган Гајиќ ја „набилда„ својата статистика со 12 гола, се останато што е за одбележување го имаа данците. Ласе Свен Хансен го забележа најдобриот учинок на еден ракометар на мундијалот со 13 гола од исто толку обиди. Рамо до рамо со него беше Кристијансен со 9 гола, а данските голмани не беа ништо подобри и собраа само 7 интервенции. Кај Словенците ниту атмосферата не е идилична и олимписките квалификации сеуште не се обезбедени. Финалните 36:33 дури и се претесни за она што се случуваше на во „Али Бин Хамад Ал Атијах арената„во Доха. Покрај Хрватска и Данска во април 2016 година може да ги планира квалификациите за Олимписките игри во Рио.
Комплетниот извештај од натпреварот можете да го погледнете ТУКА:
Катар е првиот неевропски финалист на мундијал
Домаќинот на светското првенство дојде до историски момент не само за својата земја, туку и за светскиот ракомет. Од пред втората светска војна, кога почнаа мундијалите, ниту една репрезентација која не доаѓа од Европа не освоила медал, а со тоа не играла и финале. Катар на Валеро Ривера отиде чекор натаму и го мина успехот на Египет 1991 и Тунис 2005 година, кога овие две селекции играа полуфинале, а потоа ги губеа и мечевите за пласман во финалето и малото финале.
ВИДЕО: Зиба: „Не знам што се случи, судиите не би ги коментирал„
Од малкумината полски ракометари кои говорат некој странски јазик, измешано со тагата и незадоволството по мечот, единствено Зиба застана пред ТВ камерите и го искажа своето разочарување. Тажни, исфрустрирани и пак на чекор до целта, а сепак далеку од неа. Така делуваа полјаците, кои во второто полувреме не дојдоа до -1, до реми, а камо ли до водство.
