ASOBAL Купот - 36 трофеј во кариерата
Со триумфот над Грањолерс во финалето на ASOBAL Купот во „Палау Блауграна„ македонскиот ракометен интернационалец Кирил Лазаров стигна до 36 трофеј во кариерата. Ова натпреварување претходно го освои со Атлетико Мадрид, а по IHF Супер глоб во Доха и ASOBAL Суперкупот, ова е трет трофеј, откако премина од Атлетико Мадрид во Барселона. Во календарската 2013 година со освоениот Куп на шпанскиот крал во дресот на Атлетико Мадрид, капитенот на нашата репрезентација, годината ја завршува со четири трофеи.
Деветти ASOBAL Куп за Барса, втор за Лазаров
ASOBAL Куп - Финале
Барселона - Грањолерс 34:28 (20:15)
Во убав амбиент во „Палау Блауграна„ каталонското финале на ASOBAL купот со гол го отвори Дани Сармиенто по половина минута. Голманот на Грањолерс Шулц мотивирано почна, но по 1:2, Барса се враќа и Томас од контра годи за 3:2. Во петтата минута Хуан Дел Арко со вториот гол од контранапад ги осоколи гостите со ново водство (3:4). Но Шулц не можеше се да одбрани, па откако го сопре Хуанин Гарсија во зицер, Виктор Томас во 7 минута израмнува на 4:4. На идентичен начин, со цврста одбрана и лесен гол од контра, Едуардо Гурбиндо ја враќа предноста на фаворитот (5:4). Во силниот ритам гол за гол, Никола Карабатиќ ја разнесе одбраната на Грањолерс за 7:6 на почетокот на десеттата минута. Французинот од седум метри за прв пат носи предност од +2 на една од екипите. Но ретко кој одолеал на цврстината во одбраната и ефикасноста во нападот на Барса оваа сезона.
Пуерто Сагунто на патот на Барса до полуфиналето на Купот на Кралот
Тимот на Пуерто Сагунто ќе биде четвртфиналниот противник на Барселона во Купот на шпанскиот Крал. Така одлучи денешната ждрепка во просториите на ASOBAL за последниот филтер пред Final four турнирот во мај 2014 година. Првиот меч Лазаров и другарите ќе го играат на 26 фебруари, а возвратниот во „Палау Блауграна„ се игра на 5 март.
Каталонско дерби во ASOBAL Куп финалето
ASOBAL Куп - Полуфинале
Барселона - Хуеска 39:25 (20:12)
Второто полуфинале на ASOBAL Купот започна со изненадувачкиот гол на Алекс Марсело по неполни 30 секунди. Но Барса возврати и во третата минута преку словакот Страновски и Раул Ентрериос израмни на 2:2. Штербик како да се загреваше и од четвртата минута одбрани неколку изнудени шутеви.
Лазаров, кандидат за спортист на годината
Сојузот на спортови на Македонија во соработка со Агенцијата за спорт и млади и оваа година ќе ги избира најдобрите македонски спортисти, поделени во девет категории. Кирил Лазаров како и минатата година е номиниран за спортист на годината.
Лазаров: „Наумче е победник и ќе го победи и ова„
Во краткиот телефонски разговор за „Утрински весник„ капитенот на македонската ракометна репрезентација, Кирил Лазаров видно шокиран зборуваше за тешката повреда на Наумче Мојсоски и веднаш му понудил да се оперира во Барселона „Го гледав натпреварот и цела ноќ не можев да заспијам. На најголемиот непријател не би му го посакал тоа што му се случи на Наумче.
Ждрепката за Купот на Кралот, в сабота попладне
В сабота од 18:15 часот во просториите на ASOBAL ќе биде извршена ждрепката за четвртфиналето на Купот на шпанскиот Крал. Со победата над Вила де Аранда на гости, тимот на Барселона на Кирил Лазаров се најде меѓу најдобрите осум екипи, кои ќе се борат за трофејот, кој минатата сезона го освои Атлетико Мадрид со Кирил Лазаров во тимот.
ВИДЕО: „Страшните момци во акција„
Од пред неколку дена најавениот видео спот кој го претставува АSOBAL Купот во Барселона на 21 и 22 декември, од денес може да се види во етер. Под мотото „Ја имаме тајната да го освоиме ASOBAL Купот„ момците на Хавиер Пасквал ја знаат својата мисија.
Без калкулации, ние можеме да победуваме само со срце
Македонија на ЕП оди среде сезона во која македонските клубови оставаат историски печат и се подготвени да влезат меѓу најдобрите шеснаесет во Лигата на шампиони, имаме и тим во најдобрите 16 и во ЕХФ Куп. Бонус, го имаме најдобриот напаѓач на Барселона, кој во Хернинг оди како крунисан крал на стрелците на европско и светско ниво. Кирил Лазаров, специјалната артилерија од десната бековска позиција, е соговорник во „Спорт Бокс".
58 гола на 15 меча - ASOBAL есента на Лазаров
Со победата над Натурхаус Ла Роха, првакот Барселона го заврши првиот дел од сезоната на ASOBAL лигата со перфектен учинок од 15 победи од исто толку одиграни мечеви и со 30 освоени бода, исто како и минатата година е есенски првак.
