Скратен списокот за Луксембург и Грција, ќе дебитира Дмитро Хориха

Селекторот на машката сениорска репрезентација на Македонија, Кирил Лазаров го објави списокот на играчи на кои ќе смета за првите два натпревари од квалификациите за пласман на Европското првенство.

Во ноемврискиот „прозорец" ќе го пречекаме Луксембург и ќе и гостуваме на Грција, предизвици за кои Лазаров смета на 18 ракометари. Она што е најпечатливо е дека прв повик во националниот тим доби Дмитро Хориха кој неодамна доби „зелено светло" од ИХФ.

Првиот собир е закажан за 1 ноември во 14:30 часот во хотелот „Александар Палас" во Скопје.