Раул прозиваше, селекцијата скоро комплетна за баражот со Романија

Македонската ракометна репрезентација на Македонија ги започна подготовките пред баражот со Романија за пласман на Светското првенство во Германија и Данска. На списокот на селекторот Раул Гонзалез за овој двомеч беа повикани 20 ракометари, но на првиот собир недостасуваа Филип Миркуловски и Филип Талески, кои вчера ги одиграа последните натпревари во Бундеслигата.

Наскоро селекцијата ќе биде комплетна и шест дена ќе тренира во Скопје. Првиот натпревар со Романија е на 10 јуни во Скопје, а реваншот на 13 јуни во Клуж.

Поуспешната селекција од овој дуел ќе обезбеди место на Светското првенство што ќе се одржи во јануари во Германија и во Данска.