Лазаров и Барса по ланската „песна“ ја отвори новата сезона со голеада и победа
Барселона – Гранољерс 37:26 (17:17)
Ракометарите на Барселона водени од Кирил Лазаров новата сезона во ASOBAL лигата ја започнаа со победа над соседот Гранољерс со 37-26 (17-17) со многу подобро второ, отколку прво полувреме.
Мечот започна израмнето и во првите 7-8 минути пет пати резултатот беше израмнет. Следеа головите на Жалуз и Кирил Лазаров за 7:5 за шпанскиот шампион во 10 минута. Домашната екипа играше одлично во нападот, но одбраната прими неколку наивни гола на почетокот.
Седрик Сорондо со гол по убава акија во 11 минута предноста ја донесе на +3. Борко Ристовски на голот брзо собра 4 интервенции, а инерцијата го однесе мечот со многу голови и подобар напад, отколку одбрана. Фигуерас Трехо Мартинез го вратија Грањолерс на -1, но Лазаров погоди за 12:10.
Првото полувреме кон крај го приведе со гол Филип Јиха, но следеше реакција на Сисоко (два гола) и Канељас Решак за 17:17 на одмор.
Сепак во второто полувреме Барса започна да игра добра одбрана, Лазаров ја полнеше мрежата на гостите и брзо предноста дојде до -+5. Од тој момент двете екипи заиграа егал во централниот дел од второто полувреме, за пак Лазаров со неколку ефектни гола да ја заврши приказната за финални 36:25.
Кирил Лазаров мечот го заврши со 7 гола од 8 обиди и неколку одлични асистенции, а Борко Ристовски бранеше во првите 30 минути и собра 4 интервенции. Во поразениот состав на Гранољерс најефикасен беше Монтеиро Да Силва со 7 постигнати гола Овие две екипи ќе се сретнат и во финалето на каталонскиот Суперкуп, откако лесно ги добија полуфиналните средби.
