Суперкуп титулата Барса и Хелветиа Анаитасума ќе ја решаваат во Памплона

Шпанската ракометна федерација одлучи Памплона да биде домаќин на Суперкупот на ASOBAL во ракомет за време на викендот меѓу 2 и 4 септември. Во дуелот за првата титула во следната сезона ќе се борат Барселона на нашиот Кирил Лазаров и Хелветиа Анаитасума.

Во реприза од финалето на Купот на Кралот, Каталонците ќе се обидат да ја продолжат низата од домашни трофеи која трае веќе три сезони. Вооочи Суперкуп мечот ќе се одржи и гала вечера на која ќе бидат прогласени најдобрите за сезоната која заврши на крајот на мај оваа година. Исто така во Памплона ќе се игра во женското Суперкуп финале.