Македонија ги доби противниците за Мундијалот во Франција

Македонската репрезентација ги дозна противниците за Светското првенство во ракомет во јануари следната година ќе се одржи во Франција. На денешната ждрепка во Париз нашата селекција се најде во групата Б, а ривали ни се Шпанија, Словенија, Тунис, Исланд и Ангола.

Само против Ангола никогаш не сме играле, а со другите ривали имаме различни искуства. На Словенија и Тунис им должиме за поразите на последното Светско првенство и Олимписки квлификации. Само најдобрите четири од сите групи ќе се квалификуваат за осминафиналето, а финалниот меч е во Париз на 29 јануари 2017 година. Македонија по петти пат ќе се најде на завршниот турнир на еден Мундијал по учествата во Египет, Хрватска, Шпанија и Катар.

А група: Франција, Полска, Русија, Бразил, Јапонија, Норвешка

Б група: Шпанија, Словенија, МАКЕДОНИЈА, Исланд, Тунис, Ангола

Ц група: Германија, Хрватска, Белорусија, Унгарија, Чиле, Саудиска Арабија

Д група: Катар, Данска, Шведска, Египет, Бахраин, Аргентина