Стоилов: „Овие момци имаат подобри услови од моите, стручниот тим е импресивен„

Уште од рано изутрина сите учесници на кампот со нетрпение го чекаа денешниот гостин на кампот „Кирил Лазаров 7„. Присуството на репрезентативниот кружен напаѓач, Стојанче Стоилов беше дополнителен мотив, пред се на момчињата кои играат на неговата позиција. Ракометарот на Вардар објасни дека сегашните генерации имаат многу подобри услови однеговата генерација и сите претходни.

„Во мое време немаше кампови, но знам колку ми значеше кога некој од поискусните ракометари ќе ме подучи иќе ми покаже нешто. Гледам дека овој камп е одлично организиран, масовен,а и стручниот тим е фантастичен, составен од стручњаци, бивши и сегашни ракометари. И за ракометот во нашата земја тоа е многу значајно и верувам дека во иднина ќе биде уште подобро„ заклучи репрезентативниот кружен напаѓач, Стојанче Стоилов.

Тој е еден од предвидените гости кои оваа недела ќе го посетат спортскиот комплекс „Аквалина„. По тренингот, Стоилов ќе се дружи со неговите наследници, ќе потпишува автограми и ќе се забавува со нив.