Никола Карабатиќ е МВП на завршниот турнир во Келн

Немаше дилеми кој е најдобриот ракометар во овој викенд за уживање во Келн. Никола Карабатиќ лидерски ја водеше Барселона, исто како што во минатото ги водеше и Монпеље и Кил и како што со Франција го покори ракометниот свет. Неговиот стил на игра, односот кон дресот на Барселона, пожртвуваноста и 14 гола во двата меча (8 во полуфиналето и 6 во финалето) со право по втор пат му го дадоа МВП признанието во Келн.

Тој и Сорондо ја комплетираа гренд-слем колекцијата и сега ги имаат најсјајните клубски и репрезентативни одличја во интервал од две години.