Лазаров пак одличен, Карабатиќ МВП на ASOBAL Купот

Со максимално искористени минути во игра, македонскиот репрезентативен капитен ASOBAL Купот го заврши со 10 гола на два натпревари во кои во просек играше по 30 минути по натпревар. Со 7 гола против Натурхаус Ла Роха во полуфиналето и 3 против Грањолерс во финалето и серија на асистенции, Лазаров потврди дека во одлична форма го дочекува крајот на есенската полусезона и подготовките за мундијалот.

МВП на ASOBAL Купот во Леон, како и на минатата сезона во ASOBAL лигата е Никола Карабатиќ, кој во полуфиналето постигна 3, а во финалето 7 гола.