Македонски комплет во Доха

Ретко се случува Македонија да има претставници скоро во сите структури на еден елитен ракометен меч. Таков случај беше вчерашниот меч од првото коло на Б групата на IHF Суперглоб помеѓу Барселона и Ал Саад. Иако не играше македонска екипа, Кирил Лазаров беше „прва виолина„ на светскиот првак Барселона, Драган Начевски беше делегат на IHF на средбата, а македонските интернационални судии Ѓорѓи Начевски и Славе Николов ја делеа правдата на натпреварот.

Барса славеше со 34:25, а македонските судии добро си ја завршија работата. Денес е нов ден и нови обврски за сите, со оглед на тоа што во двете групи се играат мечевите од второто коло.