Арагон прв ривал на Барса во новата ASOBAL лига

Познат е календарот за новата натпреварувачка сезона во шпанската ASOBAL лига. На почетокот на септември одбраната на титулата екипата на Барселона на Кирил Лазаров ќе ја почне против Арагон на новиот тренер Деметрио Лозано. Со оглед на тоа што Барселона на 7 септември, кога е предвиден терминот за овој меч ќе биде во Доха на IHF Суперглоб, најверојатно истиот ќе се одигра порано или подоцна.

Против директните конкуренти за титулата ако воопшто ги има и оваа сезона Барса ќе игра во ноември. Против Натурхаус ла Роха во 9 и против Грањолерс во 14 коло, каталонците ќе ги имаат главните предизвици оваа сезона. Барса и Грањолерс претходно ќе ја отворат сезоната со ASOBAL Суперкупот.