Верификувана првата македонска пена на Барселона

На седницата на Управниот Одбор на ФК Барселона на синоќешниот состанок донесе неколку одлуки, меѓу кои се и акламациите за 10 нови пении. Меѓу нив и првата македонска пена на славната Барса со седиште во Струмица. Остварување на големиот проект кој веќе неколку месеци функционира во нашата земја, а сега е и официјално дел од големото семејство на каталонскиот клуб.

Претседателот не пениите низ светот, Антонио Фреире Орељана пред неколку недели беше на официјална посета на македонската пена и беше презадоволен од тоа што го виде. Од денес и официјално канцеларијата на пениата на Барселона во Македонија е со сите одобрени и поддржани проекти за следната сезона и активно ќе ги следи сите детали поврзани со големото спортско друштво. Од минатата година член на најголемиот спортски клуб во светот е и нашиот најдобар ракометар Кирил Лазаров, кој заедно со фудбалерот Давид Бабунски ја репрезентираат нашата земја во големата Барса. Честитки за ентузијазмот и многу трофеи и заеднички радости во иднина.