ФОТО: Цела Барса со брадата на Хуанин Гарсија

Овие денови во големото семејство на ракометната секција на Барселона се посветени на Хуанин Гарсија, кој како најдобар стрелец во историјата на ASOBAL лигата ја напушта Барселона по девет успешни години. Оргинална беше идеата на неговите соиграчи пред почетокот на мечот со Хуеска да се појават со брадата на Хуанин, која го карактеризира во текот на целата негова кариера.

Убав и оргинален гест кој потврдува каква улога имаше во соблекувалната на Барселона, бившиот шпански репрезентативец. Лазаров и другарите и самиот Хуанин имаат уште неколку цели за остварување до крајот на сезоната. Каталонците се во трка за уште два трофеи: оној најважниот Лигата на шампионите и Суперкупот на Каталонија.