Барса против Фленсбург за финале на Final four

Како и во своето прво учество на Final four во дресот на Реновалиа Сиудад Реал, Кирил Лазаров за пласман во финале ќе мора да мине германски противник. Денешната пладневна ждрепка му го донесе Фленсбург како противник на Барселона во првото полуфинале на Final four на 31 мај во 15:15 часот во „Ланксес арената„ во Келн.

Подоцна од 18:00 часот во вториот полуфинален меч ќе се сретнат бившиот клуб на Лазаров, Веспрем од Унгарија и вториот германскиот гигант Кил. Лазаров до сега во двете учества на завршниот турнир минувал во финалето, а иста статистика има и Барселона. Финалниот меч е в недела на 1 јуни во 18:00 часот. Билетите за последните четири средби од Лигата на шампионите одамна се распродадени.