Лазаров меѓу нај-спортистите на Битола во последните 50 години

Сојузот на спортови на Битола годинава одбележа 50 години од традиционалниот избор на 10 најдобри спортисти на градот. Од наредната година изборот ќе биде коренито променет во критериумите, а предвидено е да бидат повикани и сите претходни лауреати. Во 1999 година додека настапуваше во Пелистер како 19 годишно момче, Кирил Лазаров ја освои оваа награда пред мотоциклистот Горан Пановски и алпскиот скијач Александар Стојановски.

Лазаров спаѓа меѓу најмладите победници во изборот, а таа година со Пелистер го освои домашниот шампионат и избори место како најмлад во репрезентацијата на Македонија на светското првенство во Египет 1999 година, во ростерот на Стевче Стефановски и Драган Нишевиќ. Сите податоци околу изборот се издадени во книгата на новинарот Димче Миновски „Најдобри меѓу најдобрите„