ВИДЕО: Манасков: „Нема да им дозволиме на иранците да играат на контакт“

Најдобриот македонски репрезентативец спорт IHF на мечот против Тунис, Дејан Манасков разговараше со новинарите во пресрет на мечот со Иран, кој може по втор пат да ни донесе две врзани победи на едно светско првенство. Пред две години на мундијалот во Шпанија, во првите две средби ги совладавме Катар и Чиле. Сега сме на праг да го израмниме тој наш резултат:

„Знаеме дека сите афрички и азиски екипи се физички добро подготвени и мислам дека можат да играат на контакт само ако ние им дозволиме. Ако го сведеме бројот на технички грешки на минимум, мислам дека нема да има проблем околу победникот. Го гледавме мечот со Босна и Херцеговина и видовме дека нивниот квалитет во првото полувреме дојде до израз, но немаат толку големо искуство од овој тип на натпревари„ рече Дејан Манасков на средбата со новинарите пред денешниот ручек во пресрет на мечот со Иран.