Марковиќ: „Ги налутивме македонците, па докажаа дека се големи„

Многу босански новинари на сите три натпревари на нивната репрезентација видоа „црни дупки„ многу невообичаени падови во играта, и ако со Иран тоа беше надоместливо, против Австрија и Македонија, квалитетот на противникот не дозволи такви периоди на лоша игра. Многу достоинствено босанскиот селектор Марковиќ го призна поразот и напомена дека само големите селекции остануваат мирни, кога се под притисок:

„Македонија е сепак голема екипа и не е срамота да се загуби. Моите играчи изгинаа и само можам да им честитам. Сепак имавме противник кој игра среда-сабота во Лигата на шампионите и тоа се забележа, па го приведоа мечот мирно кон крај. Кога им „згазивме на опашката„ и поведовме, очекував дека ќе станат нервозни, но покажаа дека се големи" истакна Жарко Марковиќ на официјалната прес-конференција. Сепак не е се загубено за неговите момци, кои против Тунис в среда ќе се борат за четвртото место и пласманот во наредниот круг.