Палмарсон бизарно нападнат, но ќе игра на мундијалот

Еден од главните адути на исландаката репрезентација на светското првенство во Катар, ракометарот на Кил, Арон Палмарсон имаше необична незгода и повреда на последниот ден од старата 2014 година. Палмарсон и негов роднина биле нападнати од два странци при влезот во такси. Нанесени му се повреди на лицето, а најлошо мина зигоматичната коска од десната страна.

Палмарсон треба да мирува деновиве и нема да се јави на 2 јануари на собирот на исландската репрезентација и ќе го пропушти пријателскиот меч со Германија овој викенд. Сепак селекторот Арон Кристјансон потврди дека Палмарсон ќе биде подготвен за 16 јануари, кога Исланд дебитира на мундијалот.