Полска утре го презентира проектот за наредното ЕУРО

В сабота од 14 часот во големата „Лусаил арена„ каде ќе се игра финалето на мундијалот, полската ракометна федерација ќе одржи прес-конференција на која ќе го претстави целиот проект за организација на наредното европско првенство во јануари 2016 година.

Веќе се познати многу детали, кои беа откриени на презентацијата за време на европското првенство за ракометарки во Будимпешта во декември минатата година, но утре ќе биде претставен глобалниот проект. Ден подоцна, в недела во француската амбасада, домаќинот на наредниот мундијал, Франција ќе ја има првата презентација за светското првенство во ракомет за мажи во Франција во јануари 2017 година.