ВИДЕО: Георгиевски: „Престиж е да се игра со светскиот првак„
За Гоце Георгиевски ова е прво европско првенство, откако минатата година имаше позитивен мундијал во Шпанија. Токму Шпанија е нашиот нареден противник, со кој ќе го завршиме нашиот европски самит со шест одиграни натпревари. По втор пат ќе играме со Шпанија на големите приредби откако во далечната 1998 година во Италија, загубивме од „црвената фурија„ со 19:26:
Лазаров за ЕХФ: „Посакуваме поголеми работи, ова е помалку од очекуваното„
За официјалната веб страна на европското првемство, Кирил Лазаров вчера даде опширно интервју, кое од денес можат да го читаат на англиски јазик многубројните посетители на страната. Лазаров зборува за сите теми поврзани со европското првенство и нашата репрезентација, а не го заобиколува ниту последниот меч во групата против земјата во која во овој момент настапува, Шпанија на Маноло Каденас:
Лазаров со осум асистенции против Исланд
Покрај тоа што е најдобар стрелец во нашата репрезентација и до овој момент на целиот турнир, десниот бек на нашата репрезентација Кирил Лазаров одигра комплетен тимски меч против Исланд. Неговите осум асистенции на мечот со исланѓаните се надоврзуваат на седумте гола против „рибарите„ Неговата комуникација со кружните напаѓачи и крилата добро функционираше во целиот меч во Хернинг и да се надеваме дека така ќе биде и против Шпанија, земјата во која Лазаров настапува веќе четврта сезона.
Кај нас најбрз шут има Лазаров, а на турнирот Јакобсон
Прв на листата со најбрз шут на европското првенство е Joхан Jaкобсон од Шведска со шут од 113 км на час на средбата со Црна Гора. Левиот бек на Металург Атман ја исфрли топката со брзина од 112 км на час на мечот против Полска. Иста брзина достигна и ударот на неговиот соиграч Сергеј Шелменко, исто така, на средбата против Полска.
Георгиевски: „Паднавме на физички план пред исланѓаните„
Со поразот на македонската репрезентација од Исланд и теоретски нашиот национален тим не може да биде подобро пласирана од деветтото место. Со шест гола Гоце Георгиевски одигра одличен меч со Исланд и покажа дека турнирот на крилата и не е така лош. Тој жали што и покрај добриот настап изостанаа бодовите кои единствено се бројат:
ВИДЕО: Андреј Голиќ: „Немате феноменален, но сепак имате одличен турнир„
Бившиот француски репрезентативец а сега успешен ракометен менаџер, меѓу другото и на нашиот Кирил Лазаров, светскиот првак од пред повеќе од една деценија, Андреј Голиќ од пред два дена е во Данска. Иако главна цел му беа контактите и состаноците со неговите клиенти, стигна да ја следи Хрватска во Архус против неговата Франција, а вчера беше во Хернинг за мечот на Македонија со Исланд:
Пецаковски со болка во коленото
Дали европското првенство за Дејан Пецаковски е завршено? Битолчанецот при еден пад во првото полувреме од мечот со Исланд, почувствува неприродно движење на коленото и подоцна не влезе во игра. Првите неколку впечатоци се дека не е ништо сериозно, но прашање е како коленото кое неколку пати е повредувано ќе реагира на евентуален нов напор.
ВИДЕО: Манасков: „Физички не бевме како исланѓаните„
Автор на пет гола, младото македонско крило Дејан Манасков, посебно во второто полувреме кога ги реализираше сите седмерци, ја оправда својата партија и заработи висока оценка. Но поразот не може целосно да го задоволи и самиот ракометар на Металург знае дека како турнирот одминува така нашата репрезентација ќе биде поуморна и потешко ќе игра:
Данска без грешка во полуфиналето
Данска - Унгарија 28:24 (14:11)
Актуелниот европски првак подобро го почна мечот и поведе со 4:1 со одлична игра на Каспер Сондергард. Унгарците реагираа и Барна Путич и Габор Часар го принудија данскиот селектор Улрил Вилбек на тајм-аут при 6:6 во 14 минута. Пак Никлас Ландин беше клучниот фактор што домашната репрезентација го фати посакуваниот ритам. Хансен и Могенсен погодија во половина минута, а ударот на Часар од седум метри данскиот голман и голманот на Рајан Ловен Некер го одбрани.
ВИДЕО: Ристовски: „Одлучи нивната подобра ротација„
По минималниот пораз од Исланд, голманот Борко Ристовски кој имаше двоцифрен број на интервенции ја знае причината за поразот и не е незадоволен од одиграниот меч на соиграчите:
