Уште двајца младински репрезентативци во тимот на Голден Арт КЛ7

//Уште двајца младински репрезентативци во тимот на Голден Арт КЛ7

Уште двајца младински репрезентативци во тимот на Голден Арт КЛ7

Виктор Василевски и Глигор Гајиќ се новите имиња кои од следната сезона ќе ги бранат боите на најмладиот ракометен клуб во Македонија, Голден Арт КЛ7.

Овие младински репрезентативци кои имаат и суперлигашко искуство доаѓаат од редовите на ракометниот клуб Металург кој години наназад продуцира млади домашни играчи. Концептот на нашиот клуб во создавање, напредок и развој на младите како ракометари и здрави личности во целост се совпаѓа со концептот на Металург со крајна цел и мисија за унапредување на македонскиот ракомет и подобрување на квалитетот на домашното првенство.

Комплетирањето на екипата со Василевски и Гајиќ кои настапија и на последното светско кадетско првенство, ќе овозможи стручниот штаб да има оптимален број на играчи и ќе ја зголеми конкурентноста на нивните позиции. Поширокиот ростер ќе допринесе подобар квалитет со оглед на новите предизвици кои стојат пред Голден Арт КЛ7 како дебитант во Суперлигата.

2020-06-18T15:37:53+00:00 June 18th, 2020|КЛ7|0 Comments